kya KHabar jo nazar aata hai wo manzar hi na ho
kyā ḳhabar jo nazar aatā hai vo manzar hī na ho
ye samundar kahīñ sach-much meñ samundar hī na ho
jis kī ummīd pe sar phoḌ rahī hai duniyā
kahīñ is āhanī dīvār meñ vo dar hī na ho
jaan kar phuul jise dil se lagā.e hue haiñ
ġhaur se dekh leñ chhū kar use patthar hī na ho
dar-o-dīvār se ye kaise nazar aate haiñ
jis ko vīrāna samajh baiThe haiñ vo ghar hī na ho
is qadar ham ko Darānā nahīñ achchhā 'at.har'
kyā pata ham ko kisī chiiz kā phir Dar hī na ho
kya KHabar jo nazar aata hai wo manzar hi na ho
ye samundar kahin sach-much mein samundar hi na ho
jis ki ummid pe sar phoD rahi hai duniya
kahin is aahani diwar mein wo dar hi na ho
jaan kar phul jise dil se lagae hue hain
ghaur se dekh len chhu kar use patthar hi na ho
dar-o-diwar se ye kaise nazar aate hain
jis ko virana samajh baiThe hain wo ghar hi na ho
is qadar hum ko Darana nahin achchha 'athar'
kya pata hum ko kisi chiz ka phir Dar hi na ho
Source:
Abjad-e-ishq (Pg. 51)
- Author: Mirza Athar Zia
-
- Edition: 2017
- Publisher: Green Pages
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
