aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya KHabar thi raaz-e-dil apna ayan ho jaega

Agha Shayar Qazalbash

kya KHabar thi raaz-e-dil apna ayan ho jaega

Agha Shayar Qazalbash

MORE BYAgha Shayar Qazalbash

    kyā ḳhabar thī rāz-e-dil apnā ayaañ ho jā.egā

    kyā ḳhabar thī aah shola zabāñ ho jā.egā

    hashr hone de sitamgar ham dikhā deñge tujhe

    pyārā pyārā ye garebāñ uñgliyāñ ho jā.egā

    raat bhar haiñ bahāreñ sham.a kyā parvāna kyā

    sub.h hote hote ruḳhsat kārvāñ ho jā.egā

    hashr meñ insāf hogā bas yahī sunte raho

    kuchh yahāñ hotā rahā hai kuchh vahāñ ho jā.egā

    is ko kahte haiñ jahāñ meñ log sachchī ulfateñ

    tiir jab dil se khichegā to kamāñ ho jā.egā

    aaḌī sīdhī paḌtī haiñ nazreñ tumhīñ par aaj to

    majma-e-tār-e-nazar kyā baddhiyāñ ho jā.egā

    hai yahī rañg-e-suḳhan to 'shā.ir' shīrīñ-zabāñ

    bhī ik din tūti-e-hindustāñ ho jā.egā

    kya KHabar thi raaz-e-dil apna ayan ho jaega

    kya KHabar thi aah ka shola zaban ho jaega

    hashr hone de sitamgar hum dikha denge tujhe

    pyara pyara ye gareban ungliyan ho jaega

    raat bhar ki hain bahaaren shama kya parwana kya

    subh hote hote ruKHsat karwan ho jaega

    hashr mein insaf hoga bas yahi sunte raho

    kuchh yahan hota raha hai kuchh wahan ho jaega

    is ko kahte hain jahan mein log sachchi ulfaten

    tir jab dil se khichega to kaman ho jaega

    aaDi sidhi paDti hain nazren tumhin par aaj to

    majma-e-tar-e-nazar kya baddhiyan ho jaega

    hai yahi rang-e-suKHan to 'shair' shirin-zaban

    tu bhi ek din tuti-e-hindustan ho jaega

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now