kya kya na dawa khai la-haul wala quwwat

kyā kyā na davā khaa.ī lā-haul valā quvvat

aa.ī na tavānā.ī lā-haul valā quvvat

ham ko ġham-e-furqat meñ do din hī buḳhār aaya

kyā shakl nikal aa.ī lā-haul valā quvvat

mushkil se sañbhālā thā ham ne dil-e-nādāñ ko

phir chal paḌī purvā.ī lā-haul valā quvvat

ham gas pe rakkhe haiñ aur un ko idhar aa.e

añgḌā.ī pe añgḌā.ī lā-haul valā quvvat

phir shor kiyā us ne phir aa ga.e ghar vaale

phir daal na gal paa.ī lā-haul valā quvvat

sab meat mutton ġhā.eb parhez pe la.anat ho

jab dekhiye chaulā.ī lā-haul valā quvvat

ghar meñ to sabhī sūteñ har roz chicken aur ham

majbūr tamāshā.ī lā-haul valā quvvat

kya kya na dawa khai la-haul wala quwwat

aai na tawanai la-haul wala quwwat

hum ko gham-e-furqat mein do din hi buKHar aaya

kya shakl nikal aai la-haul wala quwwat

mushkil se sanbhaala tha hum ne dil-e-nadan ko

phir chal paDi purwai la-haul wala quwwat

hum gas pe rakkhe hain aur un ko idhar aae

angDai pe angDai la-haul wala quwwat

phir shor kiya us ne phir aa gae ghar wale

phir dal na gal pai la-haul wala quwwat

sab meat mutton ghaeb parhez pe lanat ho

jab dekhiye chaulai la-haul wala quwwat

ghar mein to sabhi suten har roz chicken aur hum

majbur tamashai la-haul wala quwwat