kya rabt ek dard se bante chale gae

kyā rabt ek dard se bante chale ga.e

jañgal meñ jaise rāste bante chale ga.e

kaḌiyāñ kaḌī quyūd kī baḌhtī chalī ga.iiñ

hiile rah-e-najāt ke bante chale ga.e

hoñToñ pe khil uThā to huā dāġh-e-dil duā

kyā kyā suḳhan ke silsile bante chale ga.e

kis sūrat-e-sabāt pe Thahrī nigāh-e-dil

ik raqs-e-rau meñ TūTte bante chale ga.e

bote rahe lahū ke diye ham zamīn meñ

ḳhurshīd āsmān pe bante chale ga.e

'ālī' muqāble kā na koī udū rahā

ham aap apne dūsre bante chale ga.e

kya rabt ek dard se bante chale gae

jangal mein jaise raste bante chale gae

kaDiyan kaDi quyud ki baDhti chali gain

hile rah-e-najat ke bante chale gae

honTon pe khil uTha to hua dagh-e-dil dua

kya kya suKHan ke silsile bante chale gae

kis surat-e-sabaat pe Thahri nigah-e-dil

ek raqs-e-rau mein TuTte bante chale gae

bote rahe lahu ke diye hum zamin mein

KHurshid aasman pe bante chale gae

'ali' muqable ka na koi udu raha

hum aap apne dusre bante chale gae