kyon nahin aae ye mere sar mein

kyoñ nahīñ aa.e ye mire sar meñ

zaḳhm bharte nahīñ december meñ

ġhaur se dekh lūTne vaale

aur kuchh to nahīñ bachā ghar meñ

vaqt-e-āḳhir lagā diyā maiñ ne

zor jitnā bhī thā mire par meñ

ik to duniyā ḳhilāf hai mere

aur tū bhī nahīñ muqaddar meñ

kyā pata kab idhar ḳhizāñ aa.ī

maiñ to khoyā rahā gul-e-tar meñ

jism bāhar paḌā rahā aur maiñ

Duub kar mar gayā samundar meñ

taish meñ aa ga.e miyāñ 'sohil'

aur phir kuchh nahīñ bachā ghar meñ

kyon nahin aae ye mere sar mein

zaKHm bharte nahin december mein

ghaur se dekh luTne wale

aur kuchh to nahin bacha ghar mein

waqt-e-aKHir laga diya main ne

zor jitna bhi tha mere par mein

ek to duniya KHilaf hai mere

aur tu bhi nahin muqaddar mein

kya pata kab idhar KHizan aai

main to khoya raha gul-e-tar mein

jism bahar paDa raha aur main

Dub kar mar gaya samundar mein

taish mein aa gae miyan 'sohil'

aur phir kuchh nahin bacha ghar mein