lakh nadan hain magar itni saza bhi na mile

Varis Kirmani

lakh nadan hain magar itni saza bhi na mile

Varis Kirmani

MORE BYVaris Kirmani

    laakh nādāñ haiñ magar itnī sazā bhī na mile

    chārasāzoñ ko mirī shām-e-balā bhī na mile

    hasrat-āgīñ to hai nākāmī-e-manzil lekin

    lutf to jab hai ki ḳhud apnā patā bhī na mile

    kuchh nigāhoñ se ġham-e-dil ḳhabar miltī hai

    varna ham vo haiñ ki bātoñ se havā bhī na mile

    ḳhvāhish-e-dād-rasī kyā ho sitam-gar se jahāñ

    aañkh meñ shā.iba-e-uzr-e-jafā bhī na mile

    is qadar qaht-e-basīrat bhī nahīñ ai vaa.iz

    ham butoñ ke liye nikleñ to ḳhudā bhī na mile

    ishq vo arsa-e-pur-ḳhār hai hamdam ki jahāñ

    zindagī raas na aa.e to qazā bhī na mile

    kyā qayāmat hai tabī.at ravānī 'vāris'

    koī DhūñDhe to nishān-e-kaf-e-pā bhī na mile

    lakh nadan hain magar itni saza bhi na mile

    chaarasazon ko meri sham-e-bala bhi na mile

    hasrat-agin to hai nakaami-e-manzil lekin

    lutf to jab hai ki KHud apna pata bhi na mile

    kuchh nigahon se gham-e-dil ki KHabar milti hai

    warna hum wo hain ki baaton se hawa bhi na mile

    KHwahish-e-dad-rasi kya ho sitam-gar se jahan

    aankh mein shaiba-e-uzr-e-jafa bhi na mile

    is qadar qaht-e-basirat bhi nahin ai waiz

    hum buton ke liye niklen to KHuda bhi na mile

    ishq wo arsa-e-pur-KHar hai hamdam ki jahan

    zindagi ras na aae to qaza bhi na mile

    kya qayamat hai tabiat ki rawani 'waris'

    koi DhunDhe to nishan-e-kaf-e-pa bhi na mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY