lazim hai agar jang to elan karenge

lāzim hai agar jang to e'lān kareñge

dushman ye na samjhe koī ehsān kareñge

har din isī ummīd pe jiitā huuñ maiñ maulā

aap apnā mirī samt kabhī dhyān kareñge

hamdard bane phirte haiñ kuchh log mire jo

aa.egā burā vaqt to pahchān kareñge

is din ko guzar jaane ki jaldī to bahut hai

kal raat mulāqāt ko āsān kareñge

is Dar se nahīñ paale kabhī ham ne parinde

sayyād parindoñ ko pareshān kareñge

ronā to hai āsāñ mujhe hañsnā ho to bolo

mushkil hai jo bhī kaam vo 'adnān' kareñge

lazim hai agar jang to e'lan karenge

dushman ye na samjhe koi ehsan karenge

har din isi ummid pe jita hun main maula

aap apna meri samt kabhi dhyan karenge

hamdard bane phirte hain kuchh log mere jo

aaega bura waqt to pahchan karenge

is din ko guzar jaane ki jaldi to bahut hai

kal raat mulaqat ko aasan karenge

is Dar se nahin pale kabhi hum ne parinde

sayyaad parindon ko pareshan karenge

rona to hai aasan mujhe hansna ho to bolo

mushkil hai jo bhi kaam wo 'adnan' karenge