لازم ہے اگر جنگ تو اعلان کریں گے

لازم ہے اگر جنگ تو اعلان کریں گے

دشمن یہ نہ سمجھے کوئی احسان کریں گے

ہر دن اسی امید پہ جیتا ہوں میں مولا

آپ اپنا مری سمت کبھی دھیان کریں گے

ہمدرد بنے پھرتے ہیں کچھ لوگ مرے جو

آئے گا برا وقت تو پہچان کریں گے

اس دن کو گزر جانے کہ جلدی تو بہت ہے

کل رات ملاقات کو آسان کریں گے

اس ڈر سے نہیں پالے کبھی ہم نے پرندے

صیاد پرندوں کو پریشان کریں گے

رونا تو ہے آساں مجھے ہنسنا ہو تو بولو

مشکل ہے جو بھی کام وہ عدنانؔ کریں گے