lab pe pabandi to hai ehsas par pahra to hai

lab pe pābandī to hai ehsās par pahrā to hai

phir bhī ahl-e-dil ko ahvāl-e-bashar kahnā to hai

ḳhūn-e-a.adā se na ho ḳhūn-e-shahīdāñ hī se ho

kuchh na kuchh is daur meñ rañg-e-chaman nikhrā to hai

apnī ġhairat bech Dāleñ apnā maslak chhoḌ deñ

rahnumāoñ meñ bhī kuchh logoñ kā ye manshā to hai

hai jinheñ sab se ziyāda da.ava-e-hubbul-vatan

aaj un kī vaj.h se hubb-e-vatan rusvā to hai

bujh rahe haiñ ek ik kar ke aqīdoñ ke diye

is añdhere kā bhī lekin sāmnā karnā to hai

jhuuT kyuuñ boleñ faroġh-e-maslahat ke naam par

zindagī pyārī sahī lekin hameñ marnā to hai

lab pe pabandi to hai ehsas par pahra to hai

phir bhi ahl-e-dil ko ahwal-e-bashar kahna to hai

KHun-e-ada se na ho KHun-e-shahidan hi se ho

kuchh na kuchh is daur mein rang-e-chaman nikhra to hai

apni ghairat bech Dalen apna maslak chhoD den

rahnumaon mein bhi kuchh logon ka ye mansha to hai

hai jinhen sab se ziyaada dawa-e-hubbul-watan

aaj un ki wajh se hubb-e-watan ruswa to hai

bujh rahe hain ek ek kar ke aqidon ke diye

is andhere ka bhi lekin samna karna to hai

jhuT kyun bolen farogh-e-maslahat ke nam par

zindagi pyari sahi lekin hamein marna to hai