aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

labon ke samne Khaali gilass rakhte hain

Faragh Rohvi

labon ke samne Khaali gilass rakhte hain

Faragh Rohvi

MORE BYFaragh Rohvi

    laboñ ke sāmne ḳhālī gilass rakhte haiñ

    samundaroñ se kaho ham bhī pyaas rakhte haiñ

    har ek gaam pe raushan huā ḳhudā gumāñ

    isī gumāñ pe yaqīñ asaas rakhte haiñ

    ham apne aap se paate haiñ kosoñ duur use

    vahī ḳhudā ki jise ās-pās rakhte haiñ

    chaḌhā ke dār-e-qanā.at pe har tamannā ko

    jo ek dil hai use bhī udaas rakhte haiñ

    ziyāñ-pasand hamārā mizāj hai varna

    nigāh ham bhī zamāna-shanās rakhte haiñ

    hamāre tan pe koī qīmtī qabā na sahī

    ġhazal ko apnī magar ḳhush-libās rakhte haiñ

    chalo ki rāh-e-tamannā meñ chal ke ham bhī 'farāġh'

    zamīn-e-dil pe ġhamoñ asaas rakhte haiñ

    labon ke samne KHali gilass rakhte hain

    samundaron se kaho hum bhi pyas rakhte hain

    har ek gam pe raushan hua KHuda ka guman

    isi guman pe yaqin ki asas rakhte hain

    hum apne aap se pate hain koson dur use

    wahi KHuda ki jise aas-pas rakhte hain

    chaDha ke dar-e-qanaat pe har tamanna ko

    jo ek dil hai use bhi udas rakhte hain

    ziyan-pasand hamara mizaj hai warna

    nigah hum bhi zamana-shanas rakhte hain

    hamare tan pe koi qimti qaba na sahi

    ghazal ko apni magar KHush-libas rakhte hain

    chalo ki rah-e-tamanna mein chal ke hum bhi 'faragh'

    zamin-e-dil pe ghamon ki asas rakhte hain

    Source:

    Ghazal Ke Rang (Pg. 254)

    • Author: Akram Naqqash, Sohil Akhtar
      • Edition: 2014
      • Publisher: Aflaak Publications, Gulbarga
      • Year of Publication: 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now