lage hai mujhe ye saza zindagi
lage hai mujhe ye sazā zindagī
hai sahrā kī taptī havā zindagī
na ḳhvāhish na koī tamanna mujhe
qadam jaldī jaldī baḌhā zindagī
maiñ zaḳhmoñ kā paikar huuñ TuuTā huā
tū mujh ko na ġham se Darā zindagī
mohabbat nahīñ koī anmol shai
na 'āshiq kī har ik adā zindagī
vo mayyat ke merī qarīb aa.e haiñ
ghaḌī-do-ghaḌī lauT aa zindagī
agar mujh se mahshar meñ pūchhegā vo
to kah dūñgā thī ik ḳhatā zindagī
jo 'ādil' kī ġhazloñ kā 'āshiq mile
to kar dūñgā us pe fidā zindagī
lage hai mujhe ye saza zindagi
hai sahra ki tapti hawa zindagi
na KHwahish na koi tamanna mujhe
qadam jaldi jaldi baDha zindagi
main zaKHmon ka paikar hun TuTa hua
tu mujh ko na gham se Dara zindagi
mohabbat nahin koi anmol shai
na 'ashiq ki har ek ada zindagi
wo mayyat ke meri qarib aae hain
ghaDi-do-ghaDi lauT aa zindagi
agar mujh se mahshar mein puchhega wo
to kah dunga thi ek KHata zindagi
jo 'adil' ki ghazlon ka 'ashiq mile
to kar dunga us pe fida zindagi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
