lahu ki bund misl-e-aina har dar pe rakkhi thi

Abdul Hameed Saqi

lahu ki bund misl-e-aina har dar pe rakkhi thi

Abdul Hameed Saqi

MORE BY Abdul Hameed Saqi

    lahū buuñd misl-e-ā.ina har dar pe rakkhī thī

    sanad ahl-e-vafā lāsha-e-be-sar pe rakkhī thī

    nigāheñ vaqt kaise nazar-andāz kar detīñ

    asās-e-gulsitāñ katre hue shahpar pe rakkhī thī

    anā majrūh ho jaatī qadam pīchhe agar haTte

    binā-e-qurb dohrī dhaar ke ḳhanjar pe rakkhī thī

    idhar ham sar hathelī par liye maqtal meñ pahuñche the

    udhar qātil ne ghabrā kar hathelī sar pe rakkhī thī

    ḳhudī raushnī meñ maiñ ne dekhā hai aqīdat ko

    ḳhudā.ī varna aazar mirī Thokar pe rakkhī thī

    ḳhulūs-o-mehr ke paanī ne ThanDā kar diyā āḳhir

    jo tum ne aag nafrat dil-e-muztar pe rakkhī thī

    liyā jaatā na kaise imtihān-e-zarf ai 'sāqī'

    nazar har ek bāda-ḳhvār ne sāġhar pe rakkhī thī

    lahu ki bund misl-e-aina har dar pe rakkhi thi

    sanad ahl-e-wafa ki lasha-e-be-sar pe rakkhi thi

    nigahen waqt ki kaise nazar-andaz kar detin

    asas-e-gulsitan katre hue shahpar pe rakkhi thi

    ana majruh ho jati qadam pichhe agar haTte

    bina-e-qurb dohri dhaar ke KHanjar pe rakkhi thi

    idhar hum sar hatheli par liye maqtal mein pahunche the

    udhar qatil ne ghabra kar hatheli sar pe rakkhi thi

    KHudi ki raushni mein main ne dekha hai aqidat ko

    KHudai warna aazar ki meri Thokar pe rakkhi thi

    KHulus-o-mehr ke pani ne ThanDa kar diya aaKHir

    jo tum ne aag nafrat ki dil-e-muztar pe rakkhi thi

    liya jata na kaise imtihan-e-zarf ai 'saqi'

    nazar har ek baada-KHwar ne saghar pe rakkhi thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites