lauh-e-mazar dekh ke ji dang rah gaya

Zaheer Kashmiri

lauh-e-mazar dekh ke ji dang rah gaya

Zaheer Kashmiri

MORE BYZaheer Kashmiri

    lauh-e-mazār dekh ke dañg rah gayā

    har ek sar ke saath faqat sañg rah gayā

    badnām ho ke ishq meñ ham surḳh-rū hue

    achchhā huā ki naam gayā nañg rah gayā

    hotī na ham ko sāya-e-dīvār talāsh

    lekin muhīt-e-zīst bahut tañg rah gayā

    sīrat na ho to āriz-o-ruḳhsār sab ġhalat

    ḳhushbū uḌī to phuul faqat rañg rah gayā

    apne gale meñ apnī bāñhoñ ko Dāliye

    jiine ab to ek yahī Dhañg rah gayā

    kitne inqalāb shikan-dar-shikan mile

    aaj apnī shakl dekh ke maiñ dañg rah gayā

    taḳh.īl hadoñ ta.ayyun na ho sakā

    lekin muhīt-e-zīst bahut tañg rah gayā

    kal kā.enāt-e-fikr se āzād ho ga.ī

    insāñ misāl-e-dast-e-tah-e-sañg rah gayā

    ham un bazm-e-nāz meñ yuuñ chup hue 'zahīr'

    jis tarah ghuT ke saaz meñ āhañg rah gayā

    lauh-e-mazar dekh ke ji dang rah gaya

    har ek sar ke sath faqat sang rah gaya

    badnam ho ke ishq mein hum surKH-ru hue

    achchha hua ki nam gaya nang rah gaya

    hoti na hum ko saya-e-diwar ki talash

    lekin muhit-e-zist bahut tang rah gaya

    sirat na ho to aariz-o-ruKHsar sab ghalat

    KHushbu uDi to phul faqat rang rah gaya

    apne gale mein apni hi banhon ko Daliye

    jine ka ab to ek yahi Dhang rah gaya

    kitne hi inqalab shikan-dar-shikan mile

    aaj apni shakl dekh ke main dang rah gaya

    taKHil ki hadon ka tayyun na ho saka

    lekin muhit-e-zist bahut tang rah gaya

    kal kaenat-e-fikr se aazad ho gai

    insan misal-e-dast-e-tah-e-sang rah gaya

    hum un ki bazm-e-naz mein yun chup hue 'zahir'

    jis tarah ghuT ke saz mein aahang rah gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY