le ke hathon mein mohabbat ke guhar aae hain

Nabeel Ahmad Nabeel

le ke hathon mein mohabbat ke guhar aae hain

Nabeel Ahmad Nabeel

MORE BYNabeel Ahmad Nabeel

    le ke hāthoñ meñ mohabbat ke guhar aa.e haiñ

    ik nazar dekh tire ḳhāk-basar aa.e haiñ

    ik ajab dhaḌkā dil-o-jāñ ko lagā rahtā hai

    jab bhī pardes se ham lauT ke ghar aa.e haiñ

    jis taraf bhī maiñ gayā maiñ ne jidhar bhī dekhā

    zaḳhm tarah mujhe log nazar aa.e haiñ

    nok-e-neza taraf ek nazar dekh zarā

    kis bulandī pe vo ushshāq ke sar aa.e haiñ

    mom ho jaa.e vo patthar tarah saḳht badan

    apne nāloñ meñ kahāñ itne asar aa.e haiñ

    sar-phirī āñdhī girāne use aa pahuñchī hai

    aas ke peḌ pe jis dam se samar aa.e haiñ

    jab se utrā hai safīna mirā sāhil pe 'nabīl'

    mauj-dar-mauj kināre pe bhañvar aa.e haiñ

    le ke hathon mein mohabbat ke guhar aae hain

    ek nazar dekh tere KHak-basar aae hain

    ek ajab dhaDka dil-o-jaan ko laga rahta hai

    jab bhi pardes se hum lauT ke ghar aae hain

    jis taraf bhi main gaya main ne jidhar bhi dekha

    zaKHm ki tarah mujhe log nazar aae hain

    nok-e-neza ki taraf ek nazar dekh zara

    kis bulandi pe wo ushshaq ke sar aae hain

    mom ho jae wo patthar ki tarah saKHt badan

    apne nalon mein kahan itne asar aae hain

    sar-phiri aandhi girane use aa pahunchi hai

    aas ke peD pe jis dam se samar aae hain

    jab se utra hai safina mera sahil pe 'nabil'

    mauj-dar-mauj kinare pe bhanwar aae hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY