liya hai kis qadar saKHti se apna imtihan humne

liyā hai kis qadar saḳhtī se apnā imtihāñ ham ne

ki ik talvār rakh dī zindagī ke darmiyāñ ham ne

hameñ to umr bhar rahnā thā ḳhvāboñ ke jazīroñ meñ

kināroñ par pahuñch kar phūñk Dālīñ kashtiyāñ ham ne

hamāre jism hī kyā saa.e tak jismoñ ke zaḳhmī haiñ

diloñ meñ ghoñp liiñ haiñ raushnī kī barchhiyāñ ham ne

hameñ dī jā.egī phāñsī hamāre apne jismoñ meñ

ujāḌī haiñ tamannāoñ kī lākhoñ bastiyāñ ham ne

vafā ke naam par pairā kiye kachche ghaḌe le kar

Duboyā zindagī ko dāstāñ-dar-dāstāñ ham ne

liya hai kis qadar saKHti se apna imtihan hum ne

ki ek talwar rakh di zindagi ke darmiyan hum ne

hamein to umr bhar rahna tha KHwabon ke jaziron mein

kinaron par pahunch kar phunk Dalin kashtiyan hum ne

hamare jism hi kya sae tak jismon ke zaKHmi hain

dilon mein ghonp lin hain raushni ki barchhiyan hum ne

hamein di jaegi phansi hamare apne jismon mein

ujaDi hain tamannaon ki lakhon bastiyan hum ne

wafa ke nam par paira kiye kachche ghaDe le kar

Duboya zindagi ko dastan-dar-dastan hum ne