لوگ ہنستے ہیں مسکراتے ہیں
کون سا غم ہے جو چھپاتے ہیں
دیکھیے ہو چلا سویرا بھی
آؤ اب بتیاں بجھاتے ہیں
چھوڑو رہنے دو اب ہٹاؤ بھی
بات اتنی نہیں بڑھاتے ہیں
راستے پر نہیں ہے کوئی نہیں
ہاتھ کس کے لیے ہلاتے ہیں
میں بھی خالی ہوں تم بھی خالی ہو
تو چلو دونوں مسکراتے ہیں
آج کھڑکی میں چاند اترا ہے
آج ہی عید ہم مناتے ہیں
ہو چکا ختم یہ ڈراما بھی
آؤ اب سیٹیاں بجاتے ہیں
بھیڑ کے ساتھ تو سبھی ہیں قمرؔ
ہم نیا راستہ بناتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.