aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

log uTThe hain teri bazm se kya kya ho kar

Rifat Sethi

log uTThe hain teri bazm se kya kya ho kar

Rifat Sethi

MORE BYRifat Sethi

    log uTThe haiñ tirī bazm se kyā kyā ho kar

    aur ik ham haiñ ki nikle bhī to rusvā ho kar

    tīr-e-mizhgāñ hai ye ghaav bhare to kaise

    ab to nāsūr banā zaḳhm ye gahrā ho kar

    shauq-e-dīdār-e-talab hadd-e-adab se jo baḌhā

    husn ne tāb-e-nazar chhīn jalva ho kar

    mujh se pūchhe to koī kaun ho tum kyā ho tum

    maiñ ne pahchān kiyā tum ko tumhārā ho kar

    ḳhaar tarah khaTaktā huuñ nigāh-e-dil meñ

    gul pe qurbān huuñ maiñ bulbul-e-shaidā ho kar

    rā.egāñ ḳhud ko na kar bazm-e-vafā meñ ai dil

    yuuñ na āñkhoñ se Tapak ḳhūn-e-tamannā ho kar

    kah rahe haiñ ye hijābāt-e-tajallī mujh se

    jalva-e-husn hai ḳhud husn parda ho kar

    fitratan ishq-e-girāñ gosh-e-azal se hai

    tālib-e-lutf do-gūna hai vo bahrā ho kar

    tum farishte sahī maiñ huuñ bahar-hāl bashar

    guftugū mujh se karo jab bhī to mujh ho kar

    mudda.ī ho jo vafā ke to sitam sahte raho

    lab pe aa.e na koī harf bhī shikva ho kar

    nit na.e rañg bhare is meñ tasavvur ke mire

    dil meñ tasvīr rahī husn-e-sarāpā ho kar

    kabhī ban ban ke miTo misl-e-habāb ai 'rif.at'

    rañgzāroñ meñ raho naqsh-e-kaf-e-pā ho kar

    log uTThe hain teri bazm se kya kya ho kar

    aur ek hum hain ki nikle bhi to ruswa ho kar

    tir-e-mizhgan ka hai ye ghaw bhare to kaise

    ab to nasur bana zaKHm ye gahra ho kar

    shauq-e-didar-e-talab hadd-e-adab se jo baDha

    husn ne tab-e-nazar chhin li jalwa ho kar

    mujh se puchhe to koi kaun ho tum kya ho tum

    main ne pahchan kiya tum ko tumhaara ho kar

    KHar ki tarah khaTakta hun nigah-e-dil mein

    gul pe qurban hun main bulbul-e-shaida ho kar

    raegan KHud ko na kar bazm-e-wafa mein ai dil

    yun na aankhon se Tapak KHun-e-tamanna ho kar

    kah rahe hain ye hijabaat-e-tajalli mujh se

    jalwa-e-husn hai KHud husn ka parda ho kar

    fitratan ishq-e-giran gosh-e-azal hi se hai

    talib-e-lutf do-guna hai wo bahra ho kar

    tum farishte hi sahi main hun bahar-haal bashar

    guftugu mujh se karo jab bhi to mujh sa ho kar

    muddai ho jo wafa ke to sitam sahte raho

    lab pe aae na koi harf bhi shikwa ho kar

    nit nae rang bhare is mein tasawwur ke mere

    dil mein taswir rahi husn-e-sarapa ho kar

    kabhi ban ban ke miTo misl-e-habab ai 'rifat'

    rangzaron mein raho naqsh-e-kaf-e-pa ho kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now