aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

magar usko fareb-e-nargis-e-mastana aata hai

Haidar Ali Aatish

magar usko fareb-e-nargis-e-mastana aata hai

Haidar Ali Aatish

MORE BYHaidar Ali Aatish

    magar us ko fareb-e-nargis-e-mastāna aatā hai

    ulaTtī haiñ safeñ gardish meñ jab paimāna aatā hai

    nihāyat dil ko hai marġhūb bosa ḳhāl-e-mushkīñ

    dahan tak apne kab tak dekhiye ye daana aatā hai

    ḳhushī se apnī rusvā.ī gavārā ho nahīñ saktī

    garebāñ phāḌtā hai tang jab dīvāna aatā hai

    firāq-e-yār meñ dil par nahīñ ma.alūm kyā guzrī

    jo ashk āñkhoñ meñ aatā hai so betābāna aatā hai

    bagūle tarah kis kis ḳhushī se ḳhaak uḌātā huuñ

    talāsh-e-ganj meñ jo sāmne vīrāna aatā hai

    samajhte haiñ mire dil vo kyā nā-fahm o nādāñ haiñ

    huzūr-e-sham.a be-matlab nahīñ parvāna aatā hai

    talab duniyā ko kar ke zan-murīdī ho nahīñ saktī

    ḳhayāl-e-ābrū-e-himmat-e-mardāna aatā hai

    hamesha fikr se yaañ āshiqāna sher Dhalte haiñ

    zabāñ ko apnī bas ik husn afsāna aatā hai

    tamāshā-gāh-e-hastī meñ adam dhyān hai kis ko

    kise is anjuman meñ yaad ḳhalvat-ḳhāna aatā hai

    sabā tarah har ik ġhairat-e-gul se haiñ lag chalte

    mohabbat hai sarisht apnī hameñ yārāna aatā hai

    ziyārat hogī kā'ba yahī ta.abīr hai is

    ka.ī shab se hamāre ḳhvāb meñ but-ḳhāna aatā hai

    ḳhayāl aayā hai ā.īna muñh us meñ vo dekheñge

    ab uljhe baal sukhlāne ḳhātir shāna aatā hai

    phañsā detā hai murġh-e-dil ko dām-e-zulf-e-pechāñ meñ

    tumhāre ḳhāl-e-ruḳh ko bhī fareb-e-dāna aatā hai

    itaab o lutf jo farmāo har sūrat se raazī haiñ

    shikāyat se nahīñ vāqif hameñ shukrāna aatā hai

    ḳhudā ghar hai but-ḳhāna hamārā dil nahīñ 'ātish'

    maqām-e-āshnā hai yaañ nahīñ begāna aatā hai

    magar us ko fareb-e-nargis-e-mastana aata hai

    ulaTti hain safen gardish mein jab paimana aata hai

    nihayat dil ko hai marghub bosa KHal-e-mushkin ka

    dahan tak apne kab tak dekhiye ye dana aata hai

    KHushi se apni ruswai gawara ho nahin sakti

    gareban phaDta hai tang jab diwana aata hai

    firaq-e-yar mein dil par nahin malum kya guzri

    jo ashk aankhon mein aata hai so betabana aata hai

    bagule ki tarah kis kis KHushi se KHak uData hun

    talash-e-ganj mein jo samne virana aata hai

    samajhte hain mere dil ki wo kya na-fahm o nadan hain

    huzur-e-shama be-matlab nahin parwana aata hai

    talab duniya ko kar ke zan-muridi ho nahin sakti

    KHayal-e-abru-e-himmat-e-mardana aata hai

    hamesha fikr se yan aashiqana sher Dhalte hain

    zaban ko apni bas ek husn ka afsana aata hai

    tamasha-gah-e-hasti mein adam ka dhyan hai kis ko

    kise is anjuman mein yaad KHalwat-KHana aata hai

    saba ki tarah har ek ghairat-e-gul se hain lag chalte

    mohabbat hai sarisht apni hamein yarana aata hai

    ziyarat hogi ka'ba ki yahi tabir hai is ki

    kai shab se hamare KHwab mein but-KHana aata hai

    KHayal aaya hai aaina ka munh us mein wo dekhenge

    ab uljhe baal sukhlane ki KHatir shana aata hai

    phansa deta hai murgh-e-dil ko dam-e-zulf-e-pechan mein

    tumhaare KHal-e-ruKH ko bhi fareb-e-dana aata hai

    itab o lutf jo farmao har surat se raazi hain

    shikayat se nahin waqif hamein shukrana aata hai

    KHuda ka ghar hai but-KHana hamara dil nahin 'atish'

    maqam-e-ashna hai yan nahin begana aata hai

    Source:

    Kulliyat-e-Khwaja Haidar Ali Aatish (Pg. 396)

    • Author: Haidar Ali Aatish
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now