mahakne ka qarina aa gaya hai
mahakne kā qarīna aa gayā hai
ġhazal ko zaḳhm siinā aa gayā hai
charāġhoñ kī laveñ ab sust kar do
sitāroñ ko pasīnā aa gayā hai
ai merī zindagī tujh se bichhaḌ kar
mujhe qistoñ meñ jiinā aa gayā hai
chalo tūfāñ se bhī ab baat kar leñ
kināre par safīna aa gayā hai
utar jā.egā sūraj terā nashsha
december kā mahīna aa gayā hai
mahakne ka qarina aa gaya hai
ghazal ko zaKHm sina aa gaya hai
charaghon ki lawen ab sust kar do
sitaron ko pasina aa gaya hai
ai meri zindagi tujh se bichhaD kar
mujhe qiston mein jina aa gaya hai
chalo tufan se bhi ab baat kar len
kinare par safina aa gaya hai
utar jaega suraj tera nashsha
december ka mahina aa gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
