mahrumi ke dukh aur tanhai ke ranj uThae

mahrūmī ke dukh aur tanhā.ī ke rañj uThā.e

lekin ham ko aaj bhī jhūTā pyaar na karnā aa.e

sail-e-ġham-e-duniyā ne dil se kyā kyā naqsh miTā.e

hijr kī rātoñ meñ ab terī shakl bhī yaad na aa.e

tanhā.ī kā sannāTā aur aatī jaatī rāteñ

terī yaad na aur koī ġham phir bhī niiñd na aa.e

tere ma.asūmāna pyaar kī daulat pā kar ham ne

aksar naaz kiyā hai lekin kabhī kabhī pachhtā.e

pyāsī kaliyāñ paanī ke qatre qatre ko tarseñ

aur karam kā bādal dariyāoñ pe barastā jaa.e

mahrumi ke dukh aur tanhai ke ranj uThae

lekin hum ko aaj bhi jhuTa pyar na karna aae

sail-e-gham-e-duniya ne dil se kya kya naqsh miTae

hijr ki raaton mein ab teri shakl bhi yaad na aae

tanhai ka sannaTa aur aati jati raaten

teri yaad na aur koi gham phir bhi nind na aae

tere masumana pyar ki daulat pa kar hum ne

aksar naz kiya hai lekin kabhi kabhi pachhtae

pyasi kaliyan pani ke qatre qatre ko tarsen

aur karam ka baadal dariyaon pe barasta jae