aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mahshar ka hamein kya gham isyan kise kahte hain

Wazir Ali Saba Lakhnavi

mahshar ka hamein kya gham isyan kise kahte hain

Wazir Ali Saba Lakhnavi

MORE BYWazir Ali Saba Lakhnavi

    mahshar hameñ kyā ġham isyāñ kise kahte haiñ

    palle pe vo but hogā mīzāñ kise kahte haiñ

    ushshāq phire dar-dar aivāñ kise kahte haiñ

    sar baar rahā tan par sāmāñ kise kahte haiñ

    vasl-e-but-e-mahrū hai sharb-e-mai-e-gulgūñ hai

    phir aur ināyāt-e-yazdāñ kise kahte haiñ

    qaidī rahe vahshat meñ be-ḳhud the magar aise

    ye bhī na khulā ham par zindāñ kise kahte haiñ

    insān bas nafs-e-ammāra muḳharrab hai

    lā-haul valā quvvat shaitāñ kise kahte haiñ

    mahtāb tire aage niklā to nujūmī ko

    sābit na huā māh-e-tābāñ kise kahte haiñ

    bīmār-e-mohabbat haiñ mar jaa.eñ to achchhā hai

    qurbān atibbā ke darmāñ kise kahte haiñ

    kyūñkar na hañseñ sun kar hāl-e-dil 'āshiq ko

    kamsin haiñ vo kyā jāneñ armāñ kise kahte haiñ

    ai vā.izo ye bāteñ achchhī nahīñ gunjlak

    koī jo kabhī samjhe īmāñ kise kahte haiñ

    dekheñ to ḳhizar tere āb-e-dam-e-ḳhanjar ko

    mā'lūm nahīñ āb-e-haivāñ kise kahte haiñ

    haañ dast-e-junūñ sau sau zanjīr TukḌe hoñ

    sansī kise kahte haiñ sohāñ kise kahte haiñ

    be-yār ye bādal haiñ dil shaam faujoñ ke

    bauchhār hai tīroñ bārāñ kise kahte haiñ

    ham aap ke ghar aa kar farmā.iye jā.eñge

    achchhī rahī lo suniye mehmāñ kise kahte haiñ

    jab dekhte haiñ gul ko kahte haiñ vo shoḳhī se

    rotī huī sūrat hai ḳhandāñ kise kahte haiñ

    be-ḳhud ḳhalish-e-ġham se hote haiñ to kahte haiñ

    ai dil ye khaTak kyā hai mizhgāñ kise kahte haiñ

    dīvār ko zindāñ pathrā ga.e dīvāne

    jis dam ye ḳhayāl aayā maidāñ kise kahte haiñ

    ā.īne ke saath apnī sūrat unheñ dikhlā.eñ

    dekheñ to vo dono meñ hairāñ kise kahte haiñ

    shohra hai 'sabā' ab to apnī bhī fasāhat

    'ātish' ke muqallid haiñ sohbāñ kise kahte haiñ

    mahshar ka hamein kya gham isyan kise kahte hain

    palle pe wo but hoga mizan kise kahte hain

    ushshaq phire dar-dar aiwan kise kahte hain

    sar bar raha tan par saman kise kahte hain

    wasl-e-but-e-mahru hai sharb-e-mai-e-gulgun hai

    phir aur inayat-e-yazdan kise kahte hain

    qaidi rahe wahshat mein be-KHud the magar aise

    ye bhi na khula hum par zindan kise kahte hain

    insan ka bas nafs-e-ammara muKHarrab hai

    la-haul wala quwwat shaitan kise kahte hain

    mahtab tere aage nikla to nujumi ko

    sabit na hua mah-e-taban kise kahte hain

    bimar-e-mohabbat hain mar jaen to achchha hai

    qurban atibba ke darman kise kahte hain

    kyunkar na hansen sun kar haal-e-dil 'ashiq ko

    kamsin hain wo kya jaanen arman kise kahte hain

    ai waizo ye baaten achchhi nahin gunjlak ki

    koi jo kabhi samjhe iman kise kahte hain

    dekhen to KHizar tere aab-e-dam-e-KHanjar ko

    ma'lum nahin aab-e-haiwan kise kahte hain

    han dast-e-junun sau sau zanjir ki TukDe hon

    sansi kise kahte hain sohan kise kahte hain

    be-yar ye baadal hain dil sham ki faujon ke

    bauchhaar hai tiron ki baran kise kahte hain

    hum aap ke ghar aa kar farmaiye jaenge

    achchhi rahi lo suniye mehman kise kahte hain

    jab dekhte hain gul ko kahte hain wo shoKHi se

    roti hui surat hai KHandan kise kahte hain

    be-KHud KHalish-e-gham se hote hain to kahte hain

    ai dil ye khaTak kya hai mizhgan kise kahte hain

    diwar ko zindan ki pathra gae diwane

    jis dam ye KHayal aaya maidan kise kahte hain

    aaine ke sath apni surat unhen dikhlaen

    dekhen to wo dono mein hairan kise kahte hain

    shohra hai 'saba' ab to apni bhi fasahat ka

    'atish' ke muqallid hain sohban kise kahte hain

    Source:

    Ghuncha-e-Arzu (Pg. ebook-108 page-110)

    • Author: Wazir Ali Saba Lakhnavi
      • Edition: 1856
      • Publisher: Matba Mohammadi, Lucnow
      • Year of Publication: 1856
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now