mai se raushan rahe ayagh apna

mai se raushan rahe ayāġh apnā

gul na ho sāqiyā charāġh apnā

hijr meñ tar ho kyā dimāġh apnā

ḳhushk lab aap hai ayāġh apnā

nik.hat-e-zulf jab se aa.ī hai

nahīñ miltā hameñ dimāġh apnā

kis kī ham justujū meñ nikle the

nahīñ paate kahīñ surāġh apnā

kyā hai mazkūr-e-marham-e-kāfūr

jab namak saudā ho na daaġh apnā

hai shab-e-hijr vādī-e-vahshat

dīda-e-ġhūl hai charāġh apnā

rāt-din gul-ruḳhoñ se sohbat thī

yaad aatā hai ḳhāna-bāġh apnā

so rahā jo lipaT ke vo gul-e-tar

dil huā aaj bāġh-bāġh apnā

barg-e-gul saaf ban gayā phāhā

kyā mo.attar huā dimāġh apnā

mai se raushan rahe ayagh apna

gul na ho saqiya charagh apna

hijr mein tar ho kya dimagh apna

KHushk lab aap hai ayagh apna

nikhat-e-zulf jab se aai hai

nahin milta hamein dimagh apna

kis ki hum justuju mein nikle the

nahin pate kahin suragh apna

kya hai mazkur-e-marham-e-kafur

jab namak sauda ho na dagh apna

hai shab-e-hijr wadi-e-wahshat

dida-e-ghul hai charagh apna

raat-din gul-ruKHon se sohbat thi

yaad aata hai KHana-bagh apna

so raha jo lipaT ke wo gul-e-tar

dil hua aaj bagh-bagh apna

barg-e-gul saf ban gaya phaha

kya moattar hua dimagh apna