aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main apne ishq mein paiham zawal dekhta hun

Idris Azad

main apne ishq mein paiham zawal dekhta hun

Idris Azad

MORE BYIdris Azad

    maiñ apne ishq meñ paiham zavāl dekhtā huuñ

    jo tere chāhne vāloñ haal dekhtā huuñ

    maiñ is liye bhī nahīñ dekhtā huuñ ā.īna

    vahāñ jo chehra hai us par jalāl dekhtā huuñ

    badal ga.ī hai samā.at mirī basārat se

    maiñ ḳhvāb suntā huuñ lekin ḳhayāl dekhtā huuñ

    kahā hai ne ki terī misāl koī nahīñ

    magar maiñ nuur meñ terī misāl dekhtā huuñ

    maiñ chāhtā huuñ ki ḳhud ḳhaak par utar aa.uuñ

    jab āsmāñ se zamīñ jamāl dekhtā huuñ

    hazār vasvase dil meñ ubharne lagte haiñ jab

    kisī ġharīb ke shāne pe shawl dekhtā huuñ

    maiñ hoñT dekhtā huuñ phuul dekhne ke baad

    to tere dast-e-hunar kamāl dekhtā huuñ

    phir us ke baad koī baat kar nahīñ paatā

    jab us faqīr āñkhoñ ko laal dekhtā huuñ

    ba-sad-ḳhulūs nasīhat ko suntā rahtā huuñ

    phir apne haath se maiñ apnā gaal dekhtā huuñ

    jo dard sahte haiñ lekin ḳhamosh rahte haiñ

    ab aise log baḌe ḳhāl-ḳhāl dekhtā huuñ

    main apne ishq mein paiham zawal dekhta hun

    jo tere chahne walon ka haal dekhta hun

    main is liye bhi nahin dekhta hun aaina

    wahan jo chehra hai us par jalal dekhta hun

    badal gai hai samaat meri basarat se

    main KHwab sunta hun lekin KHayal dekhta hun

    kaha hai tu ne ki teri misal koi nahin

    magar main nur mein teri misal dekhta hun

    main chahta hun ki KHud KHak par utar aaun

    jab aasman se zamin ka jamal dekhta hun

    hazar waswase dil mein ubharne lagte hain jab

    kisi gharib ke shane pe shawl dekhta hun

    main honT dekhta hun phul dekhne ke baad

    to tere dast-e-hunar ka kamal dekhta hun

    phir us ke baad koi baat kar nahin pata

    jab us faqir ki aankhon ko lal dekhta hun

    ba-sad-KHulus nasihat ko sunta rahta hun

    phir apne hath se main apna gal dekhta hun

    jo dard sahte hain lekin KHamosh rahte hain

    ab aise log baDe KHal-KHal dekhta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now