aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main chahta hun ki dil mein tera KHayal na ho

Jawad Sheikh

main chahta hun ki dil mein tera KHayal na ho

Jawad Sheikh

MORE BYJawad Sheikh

    maiñ chāhtā huuñ ki dil meñ tirā ḳhayāl na ho

    ajab nahīñ ki mirī zindagī vabāl na ho

    maiñ chāhtā huuñ yak-dam chhoḌ jaa.e mujhe

    ye har ghaḌī tire jaane ehtimāl na ho

    maiñ chāhtā huuñ mohabbat pe ab baar aa.e

    zavāl aisā ki jis ko kabhī zavāl na ho

    maiñ chāhtā huuñ mohabbat sire se miT jaa.e

    maiñ chāhtā huuñ use sochnā muhāl na ho

    maiñ chāhtā huuñ mohabbat mujhe fanā kar de

    fanā bhī aisā ki jis koī misāl na ho

    maiñ chāhtā huuñ mohabbat mirā vo haal kare

    ki ḳhvāb meñ bhī dobāra kabhī majāl na ho

    maiñ chāhtā huuñ ki itnā rabt rah jaa.e

    vo yaad aa.e magar bhūlnā muhāl na ho

    maiñ chāhtā huuñ mirī āñkheñ noch jaa.eñ

    tirā ḳhayāl kisī taur pā.emāl na ho

    maiñ chāhtā huuñ ki maiñ zaḳhm zaḳhm ho jā.ūñ

    aur is tarah ki kabhī ḳhauf-e-indimāl na ho

    mirī misāl ho sab nigāh meñ 'javvād'

    maiñ chāhtā huuñ kisī aur ye haal na ho

    main chahta hun ki dil mein tera KHayal na ho

    ajab nahin ki meri zindagi wabaal na ho

    main chahta hun tu yak-dam hi chhoD jae mujhe

    ye har ghaDi tere jaane ka ehtimal na ho

    main chahta hun mohabbat pe ab ki bar aae

    zawal aisa ki jis ko kabhi zawal na ho

    main chahta hun mohabbat sire se miT jae

    main chahta hun use sochna muhaal na ho

    main chahta hun mohabbat mujhe fana kar de

    fana bhi aisa ki jis ki koi misal na ho

    main chahta hun mohabbat mera wo haal kare

    ki KHwab mein bhi dobara kabhi majal na ho

    main chahta hun ki itna hi rabt rah jae

    wo yaad aae magar bhulna muhaal na ho

    main chahta hun meri aankhen noch li jaen

    tera KHayal kisi taur paemal na ho

    main chahta hun ki main zaKHm zaKHm ho jaun

    aur is tarah ki kabhi KHauf-e-indimal na ho

    meri misal ho sab ki nigah mein 'jawwad'

    main chahta hun kisi aur ka ye haal na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now