main chhupa rahunga nigah-o-zaKHm ki oT mein

maiñ chhupā rahūñgā nigāh-o-zaḳhm kī oT meñ

kisī aur shaḳhs se dil lagā ke bhī dekhnā

sar-e-shāḳh-e-dil koī zaḳhm hai ki gulāb hai

mirī jaañ kī rag ke qarīb aa ke bhī dekhnā

koī taara chupke se rakhnā us kī hathelī par

vo udaas hai to use hañsā ke bhī dekhnā

vo jo shaam terī palak pe aa ke Thahr ga.ī

mirī raushnī kī hadoñ meñ lā ke bhī dekhnā

baḌī chiiz hai ye supurdagī kā mahīn pal

na samajh sako to mujhe gañvā ke bhī dekhnā

main chhupa rahunga nigah-o-zaKHm ki oT mein

kisi aur shaKHs se dil laga ke bhi dekhna

sar-e-shaKH-e-dil koi zaKHm hai ki gulab hai

meri jaan ki rag ke qarib aa ke bhi dekhna

koi tara chupke se rakhna us ki hatheli par

wo udas hai to use hansa ke bhi dekhna

wo jo sham teri palak pe aa ke Thahr gai

meri raushni ki hadon mein la ke bhi dekhna

baDi chiz hai ye supurdagi ka mahin pal

na samajh sako to mujhe ganwa ke bhi dekhna