main kho gaya to shahr-e-fan mein dastiyab ho gaya
main kho gaya to shahr-e-fan mein dastiyab ho gaya
Suhail Ahmed Zaidi
MORE BYSuhail Ahmed Zaidi
maiñ kho gayā to shahr-e-fan meñ dastiyāb ho gayā
yahāñ jo harf miT gayā vahāñ kitāb ho gayā
vo ik nazar to kuchh na thī ki raah se bhaTak ga.ī
palaT ke us ko dekhnā yahī azaab ho gayā
hamārī fahm-e-nā-rasā ke vāste bachā hī kyā
ki husn-e-kā.enāt to tirā naqāb ho gayā
gunāh mere yaad kar ke zaḳhm saare hañs paḌe
lahū lahū badan mirā khilā gulāb ho gayā
ziyāñ o suud miT ga.e karam pe us ke rah ga.e
hamārī saarī zindagī kā ye hisāb ho gayā
vajūd jal ke rah gayā sharār-e-lā-shu.ūr se
bharā paḌā makān thā khañDar ḳharāb ho gayā
'suhail' shor-e-shahr se panāh ab kahīñ nahīñ
hurūf reza reza haiñ suḳhan ḳharāb ho gayā
main kho gaya to shahr-e-fan mein dastiyab ho gaya
yahan jo harf miT gaya wahan kitab ho gaya
wo ek nazar to kuchh na thi ki rah se bhaTak gai
palaT ke us ko dekhna yahi azab ho gaya
hamari fahm-e-na-rasa ke waste bacha hi kya
ki husn-e-kaenat to tera naqab ho gaya
gunah mere yaad kar ke zaKHm sare hans paDe
lahu lahu badan mera khila gulab ho gaya
ziyan o sud miT gae karam pe us ke rah gae
hamari sari zindagi ka ye hisab ho gaya
wajud jal ke rah gaya sharar-e-la-shuur se
bhara paDa makan tha khanDar KHarab ho gaya
'suhail' shor-e-shahr se panah ab kahin nahin
huruf reza reza hain suKHan KHarab ho gaya
Source:
Mujalla Dastavez (Pg. 265)
- Author: Aziz Nabeel
-
- Edition: 2010
- Publisher: Edarah Dastavez
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
