main KHud ko mismar kar ke malba bana raha hun

Anjum Saleemi

main KHud ko mismar kar ke malba bana raha hun

Anjum Saleemi

MORE BYAnjum Saleemi

    maiñ ḳhud ko mismār kar ke malba banā rahā huuñ

    yahī banā saktā huuñ lihāzā banā rahā huuñ

    kisī ke siine meñ bhar rahā huuñ maiñ apnī sāñseñ

    kisī ke katbe ko apnā katba banā rahā huuñ

    bahut bhalī lagtī hai use bhī mirī udāsī

    ḳhushī ḳhushī ḳhud ko dil-girafta banā rahā huuñ

    hujūm ko mere qahqahoñ ḳhabar nahīñ hai

    banā huā huuñ ki maiñ tamāshā banā rahā huuñ

    har ek chehre pe ḳhāl-o-ḳhad numā.isheñ haiñ

    maiñ ḳhāl-o-ḳhad ke baġhair chehra banā rahā huuñ

    khulī huī hai jo koī āsān raah mujh par

    maiñ us se haT ke ik aur rasta banā rahā huuñ

    falak se uupar bhī ek chhat hai zamīn aisī

    falak ke us paar ek ziina banā rahā huuñ

    mirī tavajjoh bas ek nuqte pe murtakiz hai

    maiñ apnī quvvat ko ek zarra banā rahā huuñ

    main KHud ko mismar kar ke malba bana raha hun

    yahi bana sakta hun lihaza bana raha hun

    kisi ke sine mein bhar raha hun main apni sansen

    kisi ke katbe ko apna katba bana raha hun

    bahut bhali lagti hai use bhi meri udasi

    KHushi KHushi KHud ko dil-girafta bana raha hun

    hujum ko mere qahqahon ki KHabar nahin hai

    bana hua hun ki main tamasha bana raha hun

    har ek chehre pe KHal-o-KHad ki numaishen hain

    main KHal-o-KHad ke baghair chehra bana raha hun

    khuli hui hai jo koi aasan rah mujh par

    main us se haT ke ek aur rasta bana raha hun

    falak se upar bhi ek chhat hai zamin aisi

    falak ke us par ek zina bana raha hun

    meri tawajjoh bas ek nuqte pe murtakiz hai

    main apni quwwat ko ek zarra bana raha hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY