main KHud se dur tha aur mujhse dur tha wo bhi
maiñ ḳhud se duur thā aur mujh se duur thā vo bhī
bahāo tez thā aur zad meñ aa gayā vo bhī
chhuā hī thā ki fazā meñ bikhar ke phail gayā
mirī hī tarah dhueñ kī lakīr thā vo bhī
ye dekhne ke liye phir palaT na jā.ūñ kahīñ
maiñ gum na ho gayā jab tak khaḌā rahā vo bhī
abhī to kāñToñ-bharī jhāḌiyoñ meñ aTkā hai
kabhī dikhā.ī diyā thā harā-bharā vo bhī
bichhaḌne vaale kisī ke liye nahīñ rukte
phir aisā vaqt bhī aayā bichhaḌ gayā vo bhī
main KHud se dur tha aur mujh se dur tha wo bhi
bahao tez tha aur zad mein aa gaya wo bhi
chhua hi tha ki faza mein bikhar ke phail gaya
meri hi tarah dhuen ki lakir tha wo bhi
ye dekhne ke liye phir palaT na jaun kahin
main gum na ho gaya jab tak khaDa raha wo bhi
abhi to kanTon-bhari jhaDiyon mein aTka hai
kabhi dikhai diya tha hara-bhara wo bhi
bichhaDne wale kisi ke liye nahin rukte
phir aisa waqt bhi aaya bichhaD gaya wo bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
