maine jab se chahat ke jugnuon ko pala hai
maiñ ne jab se chāhat ke jugnuoñ ko paalā hai
zindagī kī vaadī meñ har taraf ujālā hai
har taraf haiñ ḳhushbūeñ har taraf ujālā hai
aaj mere āñgan meñ koī aane vaalā hai
sar-phirī havāoñ se ḳhauf khā nahīñ sakte
jin charāġh-zādoñ ko āñdhiyoñ ne paalā hai
ūñche rutbe vāloñ ko dekhiye to pāmālī
maqbaroñ meñ shāhoñ ke makḌiyoñ kā jaalā hai
aartī utartī hai ahl-e-zar kī phūloñ se
muflisī ke chehre par āñsuoñ kī maalā hai
naaz kyā kare 'dildār' aatī jaatī sāñsoñ par
zindagī jab insāñ kī maut kā nivāla hai
main ne jab se chahat ke jugnuon ko pala hai
zindagi ki wadi mein har taraf ujala hai
har taraf hain KHushbuen har taraf ujala hai
aaj mere aangan mein koi aane wala hai
sar-phiri hawaon se KHauf kha nahin sakte
jin charagh-zadon ko aandhiyon ne pala hai
unche rutbe walon ko dekhiye to pamali
maqbaron mein shahon ke makDiyon ka jala hai
aarti utarti hai ahl-e-zar ki phulon se
muflisi ke chehre par aansuon ki mala hai
naz kya kare 'dildar' aati jati sanson par
zindagi jab insan ki maut ka niwala hai
Source:
Rooh-e-Ghazal,Pachas Sala Intekhab (Pg. 627)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
