maine kaha ki main tera paikar banaunga
maiñ ne kahā ki maiñ tirā paikar banā.ūñgā
us ne kahā ki maiñ tujhe patthar banā.ūñgā
maiñ ne kahā ki dasht hai aur tez dhuup hai
us ne kahā ki dhuup ko chādar banā.ūñgā
maiñ ne kahā ki dasht meñ ḳhutba muhāl hai
us ne kahā ki dasht meñ mimbar banā.ūñgā
maiñ ne kahā fuzūl haiñ ye ḳhūñ-chakāniyāñ
us ne kahā ki shāḳh-e-gul-e-tar banā.ūñgā
maiñ ne kahā banā.egā tasvīr-e-ġham mirī
us ne kahā ki asl se baḌh kar banā.ūñgā
maiñ ne kahā ki bai'at-e-'be-dil' se fā.eda
us ne kahā butoñ ko suḳhan-var banā.ūñgā
main ne kaha ki main tera paikar banaunga
us ne kaha ki main tujhe patthar banaunga
main ne kaha ki dasht hai aur tez dhup hai
us ne kaha ki dhup ko chadar banaunga
main ne kaha ki dasht mein KHutba muhaal hai
us ne kaha ki dasht mein mimbar banaunga
main ne kaha fuzul hain ye KHun-chakaniyan
us ne kaha ki shaKH-e-gul-e-tar banaunga
main ne kaha banaega taswir-e-gham meri
us ne kaha ki asl se baDh kar banaunga
main ne kaha ki bai'at-e-'be-dil' se faeda
us ne kaha buton ko suKHan-war banaunga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
