main to kahta hun tumhi dard ke darman ho zarur
main to kahta hun tumhi dard ke darman ho zarur
Salam Machhli shahri
MORE BYSalam Machhli shahri
maiñ to kahtā huuñ tumhī dard ke darmāñ ho zarūr
aur vo kahte haiñ ki tum aaj pareshāñ ho zarūr
chaman-e-shahr to vīrāñ thā magar is ghar meñ
itnī nik.hat hai ki tum ek gulistāñ ho zarūr
mujh ko dikhlāo na apnī ye adā-e-jalva
chalo taslīm ki tum mujh meñ bhī pinhāñ ho zarūr
maiñ ki āvāra-tarab-kosh sharābī lekin
tum ki muḳhlis ho mirī zaat pe nāzāñ ho zarūr
nazm-o-afsāna likhūñ chup rahūñ yā baat karūñ
tum ba-har-rañg magar mujh meñ numāyāñ ho zarūr
varna kyuuñ aañkh meñ aañsū huuñ ba-vaqt-e-dushnām
dushmano tum bhī mirī ziist ke ḳhvāhāñ ho zarūr
dostoñ meñ to koī tum ko na pūchhegā 'salām'
azmat-e-raushnī-e-bazm-e-harīfāñ ho zarūr
main to kahta hun tumhi dard ke darman ho zarur
aur wo kahte hain ki tum aaj pareshan ho zarur
chaman-e-shahr to viran tha magar is ghar mein
itni nikhat hai ki tum ek gulistan ho zarur
mujh ko dikhlao na apni ye ada-e-jalwa
chalo taslim ki tum mujh mein bhi pinhan ho zarur
main ki aawara-tarab-kosh sharabi lekin
tum ki muKHlis ho meri zat pe nazan ho zarur
nazm-o-afsana likhun chup rahun ya baat karun
tum ba-har-rang magar mujh mein numayan ho zarur
warna kyun aankh mein aansu hun ba-waqt-e-dushnam
dushmano tum bhi meri zist ke KHwahan ho zarur
doston mein to koi tum ko na puchhega 'salam'
azmat-e-raushni-e-bazm-e-harifan ho zarur
Source:
Rooh-e-Ghazal,Pachas Sala Intekhab (Pg. 224)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
