main tujhe aaya hun iman bujh kar
maiñ tujhe aayā huuñ īmāñ buujh kar
bā.is-e-jam.iyyat-e-jāñ buujh kar
bulbul-e-shīrāz kuuñ kartā huuñ yaad
husn kuuñ tere gulistāñ buujh kar
dil chalā hai ishq kā ho jauharī
lab tire la.al-e-badaḳhshāñ buujh kar
har na kartī hai nazāre kī mashaq
ḳhat kuuñ tere ḳhatt-e-raihāñ buujh kar
ai sajan aayā huuñ ho be-iḳhtiyār
tujh kuuñ apnā rāhat-e-jāñ buujh kar
zulf terī kyuuñ na khaa.e pech-o-tāb
haal mujh dil kā pareshāñ buujh kar
rahm kar us par ki aayā hai 'valī'
dard-e-dil kā tujh kuuñ darmāñ buujh kar
main tujhe aaya hun iman bujh kar
bais-e-jamiyyat-e-jaan bujh kar
bulbul-e-shiraaz kun karta hun yaad
husn kun tere gulistan bujh kar
dil chala hai ishq ka ho jauhari
lab tere lal-e-badaKHshan bujh kar
har na karti hai nazare ki mashaq
KHat kun tere KHatt-e-raihan bujh kar
ai sajan aaya hun ho be-iKHtiyar
tujh kun apna rahat-e-jaan bujh kar
zulf teri kyun na khae pech-o-tab
haal mujh dil ka pareshan bujh kar
rahm kar us par ki aaya hai 'wali'
dard-e-dil ka tujh kun darman bujh kar
Source:
Kulliyat-e-Wali (Pg. 148)
- Author: Wali Mohammad Wali
-
- Edition: 1989
- Publisher: Urdu Academy, Lucknow
- Year of Publication: 1989
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
