maiñ vo be-chāra huuñ jis se be-kasī mānūs hai
jo hathelī haath meñ hai ik kaf-e-afsos hai
is qadar rañj-e-siyah-baḳhtī se huuñ zār-o-nahīf
do-qadam chalnā bhī jis ko ek kaale kos hai
āsmāñ nān-e-javīñ bhī de to ne.amat jāniye
pāo-roTī bhī jo haath aa.e samjhe toss hai
ġhair ke ḳhātir dharā jaatā huuñ maiñ muft-e-ḳhudā
koī mulzim ho vo but detā mujhī ko dos hai
'shād' aasā hai use bhī bosa-e-lab kī havas
bul-havas bhī ai shakar-lab ek hī lahlūs hai
main wo be-chaara hun jis se be-kasi manus hai
jo hatheli hath mein hai ek kaf-e-afsos hai
is qadar ranj-e-siyah-baKHti se hun zar-o-nahif
do-qadam chalna bhi jis ko ek kale kos hai
aasman nan-e-jawin bhi de to neamat jaaniye
pao-roTi bhi jo hath aae samjhe toss hai
ghair ke KHatir dhara jata hun main muft-e-KHuda
koi mulzim ho wo but deta mujhi ko dos hai
'shad' aasa hai use bhi bosa-e-lab ki hawas
bul-hawas bhi ai shakar-lab ek hi lahlus hai
Source:
Sukhan-e-Bemisal: Deewan-e-Shad (pdf) and website (Pg. p-142 e-144 pdf-149)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.