aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main ye nahin kahti ki mujhe yaad kiya kar

Jina Quraishi

main ye nahin kahti ki mujhe yaad kiya kar

Jina Quraishi

MORE BYJina Quraishi

    maiñ ye nahīñ kahtī ki mujhe yaad kiyā kar

    chup-chāp barastī huī bārish ko sunā kar

    dastak mire darvāze pe mat aise diyā kar

    sau baar kahā hai ki havā dhīre chalā kar

    kahtā hai ye ā.īna mujhe nazreñ churā kar

    nam-dīda mujhe dekh ke mat aise hañsā kar

    ho jaa.e na kuchh aur udāsī meñ izāfa

    ḳhud se mirī maan zarā kam milā kar

    sargoshī na kar aise havā kaan meñ mere

    lahje meñ us ke na mirā naam liyā kar

    jaarī ho mire siine meñ sāñsoñ tasalsul

    rakh haath mire Thahre hue qalb pe aa kar

    phir dil meñ tire naam paḌtī haiñ dhamāleñ

    hotī hai mirī ruuh bhī ḳhush ḳhaak uḌā kar

    ghuñghaT kabhī chehre se uThāte nahīñ ho

    milte ho kahīñ saare hijābāt uThā kar

    kartā hai vo phir raqs sar-e-bazm musalsal

    rakh dete ho zī-hosh ko dīvāna banā kar

    sūraj ko bujhā dete ho tum shaam se pahle

    aur dil se ye kahte ho ki din-rāt jalā kar

    lagtā hai kabhī duur bahut duur ho mujh se

    lagtā hai ki chhū lūñgī kabhī haath baḌhā kar

    maiñ chādar-e-tathīr detī huuñ vasīla

    rakh lenā mire aiboñ ko duniyā se chhupā kar

    auqāt bhī miTTī hai tirī zaat bhī miTTī

    ḳhaak hai mat ḳhaak pe itrā ke chalā kar

    aa.egā bhalā kaun tire pīchhe ai pāgal

    mat rāhoñ meñ 'jīnā' ThiThak kar yuuñ rukā kar

    main ye nahin kahti ki mujhe yaad kiya kar

    chup-chap barasti hui barish ko suna kar

    dastak mere darwaze pe mat aise diya kar

    sau bar kaha hai ki hawa dhire chala kar

    kahta hai ye aaina mujhe nazren chura kar

    nam-dida mujhe dekh ke mat aise hansa kar

    ho jae na kuchh aur udasi mein izafa

    tu KHud se meri man zara kam hi mila kar

    sargoshi na kar aise hawa kan mein mere

    tu lahje mein us ke na mera nam liya kar

    jari ho mere sine mein sanson ka tasalsul

    rakh hath mere Thahre hue qalb pe aa kar

    phir dil mein tere nam ki paDti hain dhamalen

    hoti hai meri ruh bhi KHush KHak uDa kar

    ghunghaT kabhi chehre se uThate hi nahin ho

    milte ho kahin sare hijabaat uTha kar

    karta hai wo phir raqs sar-e-bazm musalsal

    rakh dete ho zi-hosh ko diwana bana kar

    suraj ko bujha dete ho tum sham se pahle

    aur dil se ye kahte ho ki din-raat jala kar

    lagta hai kabhi dur bahut dur ho mujh se

    lagta hai ki chhu lungi kabhi hath baDha kar

    main chadar-e-tathir ka deti hun wasila

    rakh lena mere aibon ko duniya se chhupa kar

    auqat bhi miTTi hai teri zat bhi miTTi

    tu KHak hai mat KHak pe itra ke chala kar

    aaega bhala kaun tere pichhe ai pagal

    mat rahon mein 'jina' tu ThiThak kar yun ruka kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now