makin chhoD gae KHwab ain raat ke bich

makīn chhoḌ ga.e ḳhvāb 'ain raat ke biich

ki jaise dukh nikal aayā ho merī baat ke biich

maiñ jis se haath milātā huuñ phir nahīñ miltā

na jaane kaun sā rasta hai mere haath ke biich

vo aaj aa.ī to maiñ duur se hī jaan gayā

maiñ jis ko DhūñDhtā rahtā thā phūl-pāt ke biich

isī sabab se to masraf khulā thā kānoñ kā

vo ek phone jo aatā thā chhe aur saat ke biich

hamāre dil ko ba-har-hāl sarsarī na samajh

zarā zarā sī to dhaḌkan hai ab bhī dhaat ke biich

ham is se pahle saf-e-dushmanāñ meñ rahte the

phir ek phuul khil aayā thā 'ain ghaat ke biich

makin chhoD gae KHwab 'ain raat ke bich

ki jaise dukh nikal aaya ho meri baat ke bich

main jis se hath milata hun phir nahin milta

na jaane kaun sa rasta hai mere hath ke bich

wo aaj aai to main dur se hi jaan gaya

main jis ko DhunDhta rahta tha phul-pat ke bich

isi sabab se to masraf khula tha kanon ka

wo ek phone jo aata tha chhe aur sat ke bich

hamare dil ko ba-har-haal sarsari na samajh

zara zara si to dhaDkan hai ab bhi dhat ke bich

hum is se pahle saf-e-dushmanan mein rahte the

phir ek phul khil aaya tha 'ain ghat ke bich