maqam-e-dil bahut uncha bana hai

maqām-e-dil bahut ūñchā banā hai

kamand-e-aql ab tak nā-rasā hai

faroġh-e-ishq se betāb jalve

harīm-e-nāz meñ mahshar bapā hai

mizāj-e-husn meñ ye dard-mandī

ba-faiz-e-ishq kyā se kyā huā hai

ḳhirad hai justujū-e-soz-e-ātish

mohabbat ārzū-e-barmalā hai

navāzish un kī muhtāj-e-mohabbat

mirī kam-mā.egī kā aasrā hai

chaman kī nik.hat-afshānī kā baa.is

ye mauj-e-gul hai yā mauj-e-sabā hai

bhalā kyuuñ ho tujhe merī zarūrat

ki tū saare zamāne kā ḳhudā hai

maqam-e-dil bahut uncha bana hai

kamand-e-aql ab tak na-rasa hai

farogh-e-ishq se betab jalwe

harim-e-naz mein mahshar bapa hai

mizaj-e-husn mein ye dard-mandi

ba-faiz-e-ishq kya se kya hua hai

KHirad hai justuju-e-soz-e-atish

mohabbat aarzu-e-barmala hai

nawazish un ki muhtaj-e-mohabbat

meri kam-maegi ka aasra hai

chaman ki nikhat-afshani ka bais

ye mauj-e-gul hai ya mauj-e-saba hai

bhala kyun ho tujhe meri zarurat

ki tu sare zamane ka KHuda hai