مرض اک طرف اور دوا اک طرف

مرض اک طرف اور دوا اک طرف

خدایا ہے میری صدا اک طرف

مگر میری آنکھوں میں دونوں چراغ

دوا اک طرف اور دعا اک طرف

خدا ان کے حصے میں منزل اتار

سفر اک طرف راستہ اک طرف

مقدر پہ دونوں کے پہرے ہیں کیا

محن اک طرف اور صلہ اک طرف

نیا میکدہ ہے چلن بھی نیا

شراب اک طرف ہے نشہ اک طرف

خدا میرے قابو میں آئے نہ رنگ

کہ سنگ اک طرف ہے حنا اک طرف

اذیت دوا کو چڑھاتی ہوئی

مطب در مطب سلسلہ اک طرف

مریض اک اکیلا دوائیں ہزار

غریب اک طرف اغنیا اک طرف

مرے حال دل کا کسے ہوش ہے

ہوا اک طرف ہے فضا اک طرف