marne walon ki tarah muhr-ba-lab zinda hun
marne vāloñ kī tarah muhr-ba-lab zinda huuñ
log kahte haiñ ki zinda huuñ maiñ kab zinda huuñ
varna aisā to koī lutf nahīñ jiine meñ
tū ne chāhā thā ki zinda rahūñ tab zinda huuñ
ab to lagtā hai mire saath hī mar jā.egī
le ke dil meñ jo tamannā-e-tarab zinda huuñ
kyoñ muqayyad nahīñ rahtī ye badan meñ 'sāgar'
kyoñ gurezāñ hai mirī ruuh ki jab zinda huuñ
marne walon ki tarah muhr-ba-lab zinda hun
log kahte hain ki zinda hun main kab zinda hun
warna aisa to koi lutf nahin jine mein
tu ne chaha tha ki zinda rahun tab zinda hun
ab to lagta hai mere sath hi mar jaegi
le ke dil mein jo tamanna-e-tarab zinda hun
kyon muqayyad nahin rahti ye badan mein 'sagar'
kyon gurezan hai meri ruh ki jab zinda hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
