mashriqi duniya mein biwi hai agar naukar ka nam
mashriqī duniyā meñ biivī hai agar naukar kā naam
maġhribī duniyā meñ shofar jāniye shauhar kā naam
rasm-e-shādī ghaT rahī hai baḌh rahī hai dostī
maañ batā saktī nahīñ bachchoñ ko ab father kā naam
shādiyāñ dushvār-tar karne lagī rasm-e-jahez
lab pe āsānī se aatā hī nahīñ duḳhtar kā naam
kisht-o-ḳhūñ meñ kaT rahe haiñ is tarah logoñ ke sar
aadmī hai āj-kal muulī kā yā gājar kā naam
gaañv ke kitne manāzir rañg barsāne lage
daf.atan yaad aa gayā chhoḌe hue aajar kā naam
kals kā dullar kā dāchhīgām kā māDar kā naam
madmatī kā trāggā-bal kā aur sherāsar kā naam
mashriqi duniya mein biwi hai agar naukar ka nam
maghribi duniya mein shofar jaaniye shauhar ka nam
rasm-e-shadi ghaT rahi hai baDh rahi hai dosti
man bata sakti nahin bachchon ko ab father ka nam
shadiyan dushwar-tar karne lagi rasm-e-jahez
lab pe aasani se aata hi nahin duKHtar ka nam
kisht-o-KHun mein kaT rahe hain is tarah logon ke sar
aadmi hai aaj-kal muli ka ya gajar ka nam
ganw ke kitne manazir rang barsane lage
dafatan yaad aa gaya chhoDe hue aajar ka nam
kals ka dullar ka dachhigam ka maDar ka nam
madmati ka tragga-bal ka aur sherasar ka nam
Source:
Khanda-e-Gul (Pg. 127)
- Author: Bulbul Kashmiri
-
- Publisher: Idara-e-Frogh-e-Urdu, Lahore
- Year of Publication: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
