mauj-e-bala mein roz koi Dubta rahe

mauj-e-balā meñ roz koī Dūbtā rahe

sāhil har ek baar magar dekhtā rahe

yāroñ kī kashtiyāñ rahīñ sāhil se be-niyāz

tūfāñ se be-niyāz agar nāḳhudā rahe

ḳhairāt meñ kabhī nahīñ māñgīñ mohabbateñ

har-chand mere dost mujhe aazmā rahe

jin ko nahīñ thī daulat-e-ehsās tak nasīb

takrīm-e-be-nazar meñ vahī devtā rahe

maiñ aise husn-e-zan ko ḳhudā māntā nahīñ

aahoñ ke ehtijāj se jo māvarā rahe

maanā ki har tarah hai taġhayyur se be-niyāz

lekin vo hāl-e-ġham se to kuchh āshnā rahe

'kaifī' zamīr-bāḳhtā logoñ se kab talak

ḳhairāt-e-ehtirām koī māñgtā rahe

mauj-e-bala mein roz koi Dubta rahe

sahil har ek bar magar dekhta rahe

yaron ki kashtiyan rahin sahil se be-niyaz

tufan se be-niyaz agar naKHuda rahe

KHairaat mein kabhi nahin mangin mohabbaten

har-chand mere dost mujhe aazma rahe

jin ko nahin thi daulat-e-ehsas tak nasib

takrim-e-be-nazar mein wahi dewta rahe

main aise husn-e-zan ko KHuda manta nahin

aahon ke ehtijaj se jo mawara rahe

mana ki har tarah hai taghayyur se be-niyaz

lekin wo haal-e-gham se to kuchh aashna rahe

'kaifi' zamir-baKHta logon se kab talak

KHairaat-e-ehtiram koi mangta rahe