maujon ne hath de ke ubhaara kabhi kabhi
maujoñ ne haath de ke ubhārā kabhī kabhī
paayā hai Duub kar bhī kinārā kabhī kabhī
kartī hai teġh-e-yār ishāra kabhī kabhī
hotā hai imtihān hamārā kabhī kabhī
chamkā hai ishq kā bhī sitāra kabhī kabhī
māñgā hai husn ne bhī sahārā kabhī kabhī
tālib kī shakl meñ milī matlūb kī jhalak
dekhā hai ham ne ye bhī nazāra kabhī kabhī
shoḳhī hai husn kī ye hai jazb-e-vafā kā sehr
us ne hameñ salām guzārā kabhī kabhī
fariyād-e-ġham ravā nahīñ dastūr-e-ishq meñ
phir bhī liyā hai us kā sahārā kabhī kabhī
mushkil meñ de sakā na sahārā koī 'ratan'
haañ dard ne diyā hai sahārā kabhī kabhī
maujon ne hath de ke ubhaara kabhi kabhi
paya hai Dub kar bhi kinara kabhi kabhi
karti hai tegh-e-yar ishaara kabhi kabhi
hota hai imtihan hamara kabhi kabhi
chamka hai ishq ka bhi sitara kabhi kabhi
manga hai husn ne bhi sahaara kabhi kabhi
talib ki shakl mein mili matlub ki jhalak
dekha hai hum ne ye bhi nazara kabhi kabhi
shoKHi hai husn ki ye hai jazb-e-wafa ka sehr
us ne hamein salam guzara kabhi kabhi
fariyaad-e-gham rawa nahin dastur-e-ishq mein
phir bhi liya hai us ka sahaara kabhi kabhi
mushkil mein de saka na sahaara koi 'ratan'
han dard ne diya hai sahaara kabhi kabhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
