maut ke chehre pe hai kyun murdani chhai hui

maut ke chehre pe hai kyuuñ murdanī chhā.ī huī

dekhnā kaun aa gayā kyuuñ Tal ga.ī aa.ī huī

koī badlī to nahīñ ubhrī ufuq par dekhnā

phir fazā-e-tauba par hai be-dilī chhā.ī huī

siikh duniyā hī meñ zāhid huur se milne ke Dhañg

varna ro.egā ki jannat meñ bhī rusvā.ī huī

ḳhāna-e-dil meñ kisī parda-nashīñ kī aarzū

aarzū kyā hai dulhan baiThī hai sharmā.ī huī

ishq hai apnī vafāoñ se bhī sharmāyā huā

aql hai apnī ḳhatāoñ par bhī itrā.ī huī

kaash is misra.a kā tum ko paas hotā ai 'hafīz'

ye bahār aa.ī huī aisī ghaTā chhā.ī huī

maut ke chehre pe hai kyun murdani chhai hui

dekhna kaun aa gaya kyun Tal gai aai hui

koi badli to nahin ubhri ufuq par dekhna

phir faza-e-tauba par hai be-dili chhai hui

sikh duniya hi mein zahid hur se milne ke Dhang

warna roega ki jannat mein bhi ruswai hui

KHana-e-dil mein kisi parda-nashin ki aarzu

aarzu kya hai dulhan baiThi hai sharmai hui

ishq hai apni wafaon se bhi sharmaya hua

aql hai apni KHataon par bhi itrai hui

kash is misra ka tum ko pas hota ai 'hafiz'

ye bahaar aai hui aisi ghaTa chhai hui