aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yun to tanhai mein ghabrae bahut

Wakil Akhtar

yun to tanhai mein ghabrae bahut

Wakil Akhtar

MORE BYWakil Akhtar

    yuuñ to tanhā.ī meñ ghabrā.e bahut

    mil ke logoñ se bhī pachhtā.e bahut

    aise lamhe ziist meñ aa.e bahut

    ham ne dhoke jaan kar khaa.e bahut

    ye nahīñ ma.alūm ki kyā baat thī

    ro rahe the mere ham-sā.e bahut

    tum batlā do ki koī kyā kare

    zindagī jab bojh ban jaa.e bahut

    ham farāz-e-dār tak tanhā ga.e

    do qadam tak log saath aa.e bahut

    shahr-e-ġham jaisā thā vaisā rahā

    yuuñ jahāñ meñ inqalāb aa.e bahut

    Dūbnā 'aḳhtar' thā qismat meñ likhā

    vaise ham tūfāñ se Takrā.e bahut

    yun to tanhai mein ghabrae bahut

    mil ke logon se bhi pachhtae bahut

    aise lamhe zist mein aae bahut

    hum ne dhoke jaan kar khae bahut

    ye nahin malum ki kya baat thi

    ro rahe the mere ham-sae bahut

    tum hi batla do ki koi kya kare

    zindagi jab bojh ban jae bahut

    hum faraaz-e-dar tak tanha gae

    do qadam tak log sath aae bahut

    shahr-e-gham jaisa tha waisa hi raha

    yun jahan mein inqalab aae bahut

    Dubna 'aKHtar' tha qismat mein likha

    waise hum tufan se Takrae bahut

    Source:

    Shab Khoon(Shumara Number-071) (Pg. ebook-64 page-62)

      • Edition: 1971
      • Publisher: Asrar Karimi Press, Allahabad
      • Year of Publication: 1972

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now