mera mazi mujhse kaTa nahin mera haal mujhse juda kiya

merā maazī mujh se kaTā nahīñ mirā haal mujh se judā kiyā

mujhe noch lene ke shauq ne tujhe kitnā vahshī banā diyā

mere zikr pe rahī kajravī mujhe ahl-e-mahfil batā rahe

kabhī māñgtā thā duāoñ meñ vahī naam us ne bhulā diyā

maiñ jo ek ahd se qafas meñ thā to ye Thaan kar maiñ rihā huā

kahīñ koī piñjrā dikhā mujhe to har ek parinda uḌā diyā

mujhe ik faqīr ne kah diyā tire dil kī puurī murād ho

so tirī talāsh meñ ek din tirā naqsh maiñ ne miTā diyā

tirī sab dalīloñ ke bāvajūd mirā jurm sābit na ho sakā

tirā maan rakhne ko yuuñ kiyā ki tujhe hī munsif banā diyā

mera mazi mujh se kaTa nahin mera haal mujh se juda kiya

mujhe noch lene ke shauq ne tujhe kitna wahshi bana diya

mere zikr pe rahi kajrawi mujhe ahl-e-mahfil bata rahe

kabhi mangta tha duaon mein wahi nam us ne bhula diya

main jo ek ahd se qafas mein tha to ye Than kar main riha hua

kahin koi pinjra dikha mujhe to har ek parinda uDa diya

mujhe ek faqir ne kah diya tere dil ki puri murad ho

so teri talash mein ek din tera naqsh main ne miTa diya

teri sab dalilon ke bawajud mera jurm sabit na ho saka

tera man rakhne ko yun kiya ki tujhe hi munsif bana diya