میرے سینے میں کچھ زیر و زبر ہے
چمن میں غالباً وقت سحر ہے
چلا جاتا ہوں اکثر شہر والو
بیاباں میں بھی میرا ایک گھر ہے
جو چہرے پر نظر آتی ہے میرے
میری رنگت نہیں گرد سفر ہے
کوئی ٹکتا نہیں دل میں زیادہ
یہ گویا گھر نہیں ہے رہ گزر ہے
نظر آتے ہیں بس اعمال سب کو
میرے احوال پر کس کی نظر ہے
اگر انور شعورؔ ایسا کرے تو
نظر انداز کر دینا بشر ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.