miThe hain be-hisab rasile hain sun ke log

mīThe haiñ be-hisāb rasīle haiñ sun ke log

le jā.eñge daraḳhtoñ se shahtūt chun ke log

sābit huā ki bhabke se zaa.e' huā anaaj

pīchhe paḌe hue haiñ magar phir bhī ghun ke log

parvardigār tū ne banā to dī kā.enāt

maanā samajh na paa.e agar harf-e-kun ke log

jangal kī sair kar ke vo ghar bhī chalā gayā

aur saaf karte reh ga.e āñkhoñ se bhunke log

logoñ kā ik hujūm sā rahtā hai ās-pās

zulfoñ se ḳham nikālte rahte haiñ un ke log

sardī baḌhī to jā.egā merī taraf ko dhyān

sandūq meñ rakheñge abhī mujh ko bun ke log

shahr-e-suḳhan meñ hogā na lahja 'amān' sā

hargiz nahīñ mileñge tumheñ merī dhun ke log

miThe hain be-hisab rasile hain sun ke log

le jaenge daraKHton se shahtut chun ke log

sabit hua ki bhabke se zae' hua anaj

pichhe paDe hue hain magar phir bhi ghun ke log

parwardigar tu ne bana to di kaenat

mana samajh na pae agar harf-e-kun ke log

jangal ki sair kar ke wo ghar bhi chala gaya

aur saf karte reh gae aankhon se bhunke log

logon ka ek hujum sa rahta hai aas-pas

zulfon se KHam nikalte rahte hain un ke log

sardi baDhi to jaega meri taraf ko dhyan

sanduq mein rakhenge abhi mujh ko bun ke log

shahr-e-suKHan mein hoga na lahja 'aman' sa

hargiz nahin milenge tumhein meri dhun ke log