mil gai dard ki dawa dil ko

Aali Gopalpuri

mil gai dard ki dawa dil ko

Aali Gopalpuri

MORE BYAali Gopalpuri

    mil ga.ī dard davā dil ko

    rakhe allāh mere qātil ko

    ishq ne daaġh vo diyā dil ko

    aa ga.ī sharm māh-e-kāmil ko

    kaT chukī thī rag-e-hayāt mirī

    rahm kab aaya mere qātil ko

    maanā rahzan hai rāhbar merā

    kyā kahūñ maiñ charāġh-e-manzil ko

    kis kashtī lagī kināre se

    zalzala aa rahā hai sāhil ko

    sub.h ko par tarāshe jā.eñge

    koī kar de ḳhabar anādil ko

    dāġh-e-dil merā dekhne vaale

    sham.a kahte haiñ māh-e-kāmil ko

    maanā zālim haiñ bevafā haiñ phuul

    shikva zebā nahīñ anādil ko

    yūñhī dekhā nahīñ ma.āl-e-ishq

    zahmateñ haiñ dast-e-qātil ko

    maiñ chalā gard-e-kārvāñ ke saath

    kah do merā salām manzil ko

    maanā aajiz haiñ jaañ se parvāne

    chāhiye kyā charāġh-e-mahfil ko

    maut ne shaam se sulāyā mujhe

    niiñd shab bhar na aa.ī qātil ko

    Duub kar liyā sukūn-e-hayāt

    pahoñche sāhil pe kho ke sāhil ko

    un pe ik roz paḌ ga.ī thī nazar

    umr bhar jhelnā paḌā dil ko

    ġham meñ phūloñ ke bārhā 'ālī'

    dekhā rote hue anādil ko

    mil gai dard ki dawa dil ko

    rakhe allah mere qatil ko

    ishq ne dagh wo diya dil ko

    aa gai sharm mah-e-kaamil ko

    kaT chuki thi rag-e-hayat meri

    rahm kab aaya mere qatil ko

    mana rahzan hai rahbar mera

    kya kahun main charagh-e-manzil ko

    kis ki kashti lagi kinare se

    zalzala aa raha hai sahil ko

    subh ko par tarashe jaenge

    koi kar de KHabar anadil ko

    dagh-e-dil mera dekhne wale

    shama kahte hain mah-e-kaamil ko

    mana zalim hain bewafa hain phul

    shikwa zeba nahin anadil ko

    yunhi dekha nahin maal-e-ishq

    zahmaten di hain dast-e-qatil ko

    main chala gard-e-karwan ke sath

    kah do mera salam manzil ko

    mana aajiz hain jaan se parwane

    chahiye kya charagh-e-mahfil ko

    maut ne sham se sulaya mujhe

    nind shab bhar na aai qatil ko

    Dub kar pa liya sukun-e-hayat

    pahonche sahil pe kho ke sahil ko

    un pe ek roz paD gai thi nazar

    umr bhar jhelna paDa dil ko

    gham mein phulon ke barha 'ali'

    dekha rote hue anadil ko

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now