mera anis mera gham hai tum na sath chalo

mirā aniis mirā ġham hai tum na saath chalo

tumhārā aur hī aalam hai tum na saath chalo

ajab tazād kā mausam hai tum na saath chalo

chhupā.e sho.aloñ ko shabnam hai tum na saath chalo

ḳhushī to ġharq-e-ġham-e-rozgār hai merī

lab-e-hayāt pe mātam hai tum na saath chalo

har ek moḌ pe jalte haiñ ġhurbatoñ ke charāġh

qadam qadam pe nayā ġham hai tum na saath chalo

zamīn ḳhuun ugaltī hai charḳh añgāre

nizām-e-dahr bhī barham hai tum na saath chalo

abhī jalī to hai tahzīb-e-nau kī sham.a magar

abhī ye raushnī maddham hai tum na saath chalo

jigar ke ḳhuuñ se banāyā hai maiñ ne surḳh jise

vo mere haath meñ parcham hai tum na saath chalo

abhī banāne haiñ aa.iin dār-o-zondāñ ke

ye farz ham pe muqaddam hai tum na saath chalo

har ek taar laraztā hai sāz-e-hastī kā

ajiib vaqt kā sargam hai tum na saath chalo

hai chīra dast-e-zamāna ye un se kah do 'jalīl'

tumhārī zulf bhī barham hai tum na saath chalo

mera anis mera gham hai tum na sath chalo

tumhaara aur hi aalam hai tum na sath chalo

ajab tazad ka mausam hai tum na sath chalo

chhupae shoalon ko shabnam hai tum na sath chalo

KHushi to gharq-e-gham-e-rozgar hai meri

lab-e-hayat pe matam hai tum na sath chalo

har ek moD pe jalte hain ghurbaton ke charagh

qadam qadam pe naya gham hai tum na sath chalo

zamin KHun ugalti hai charKH angare

nizam-e-dahr bhi barham hai tum na sath chalo

abhi jali to hai tahzib-e-nau ki shama magar

abhi ye raushni maddham hai tum na sath chalo

jigar ke KHun se banaya hai main ne surKH jise

wo mere hath mein parcham hai tum na sath chalo

abhi banane hain aain dar-o-zondan ke

ye farz hum pe muqaddam hai tum na sath chalo

har ek tar larazta hai saz-e-hasti ka

ajib waqt ka sargam hai tum na sath chalo

hai chira dast-e-zamana ye un se kah do 'jalil'

tumhaari zulf bhi barham hai tum na sath chalo