mera ghurur tujhe kho ke haar man gaya
mirā ġhurūr tujhe kho ke haar maan gayā
maiñ choT khā ke magar apnī qadr jaan gayā
kahīñ ufuq na milā merī dasht-gardī ko
maiñ terī dhun meñ bharī kā.enāt chhān gayā
ḳhudā ke ba.ad to be-intihā añdherā hai
tirī talab meñ kahāñ tak na merā dhyān gayā
jabīñ pe bal bhī na aatā gañvā ke donoñ-jahāñ
jo tū chhinā to maiñ apnī shikast maan gayā
badalte rañg the terī umañg ke ġhammāz
tū mujh se bichhḌā to maiñ terā raaz jaan gayā
ḳhud apne aap se maiñ shikva-sanj aaj bhī huuñ
'nadīm' yuuñ to mujhe ik jahān maan gayā
mera ghurur tujhe kho ke haar man gaya
main choT kha ke magar apni qadr jaan gaya
kahin ufuq na mila meri dasht-gardi ko
main teri dhun mein bhari kaenat chhan gaya
KHuda ke baad to be-intiha andhera hai
teri talab mein kahan tak na mera dhyan gaya
jabin pe bal bhi na aata ganwa ke donon-jahan
jo tu chhina to main apni shikast man gaya
badalte rang the teri umang ke ghammaz
tu mujh se bichhDa to main tera raaz jaan gaya
KHud apne aap se main shikwa-sanj aaj bhi hun
'nadim' yun to mujhe ek jahan man gaya
Source:
Intekhab-e-Kulliyat-e-ahmed Nadeem Qasmi (Pg. 117)
- Author: Ahmed Nadeem Qasmi
-
- Edition: 2004
- Publisher: Farid Book Depot (Pvt.) Ltd.
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
