mera hai do-jahan mein rahnuma dil

mirā hai do-jahāñ meñ rahnumā dil

payambar dil hai ka.aba dil ḳhudā dil

milā jaisā mujhe ik bevafā dil

kisī ko bhī na de aisā ḳhudā dil

ye ā.īna kudūrat se barī hai

safā.ī meñ hai merā haq-numā dil

yahāñ piirī nahīñ chaltī ḳhizar kī

tarīq-e-ishq meñ hai rahnumā dil

bigaḌtā hai vo zālim mujh se jitnā

mirā aatā hai aur us par sivā dil

jahāñ meñ sāhib-e-qismat vahī hai

muqaddar se huā jis ko atā dil

hai har dam muztarib har lahza betāb

mujhe bhī kyā milā sab se judā dil

jo pūchhe dushman-e-jāñ hai tirā kaun

kahūñ maiñ saikḌoñ meñ barmalā dil

nikalne kī kahīñ jab rah na paa.ī

to ḳhuuñ ho ho ke āñkhoñ se bahā dil

balā ke daam meñ jā kar phañsā hai

na terī zulf se hogā rihā dil

mire pahlū meñ āḳhir kyoñ hai betāb

dikhātā phir rahā huuñ jā-ba-jā dil

tamanna dil hai apnā dil hai matlab

hamārī aarzū dil mudda.ā dil

tire ḳhanjar ne baḳhshī umr-e-jāved

duā-go huuñ maiñ qātil lab se tā-dil

abhī chheḌo na mujh ko ai nakīrain

Thikāne par to aane do zarā dil

zamāne kī zabāñ par dil hī dil hai

batā.e to koī hai chiiz kyā dil

hamārī 'sabr' dil se chal rahī hai

yahī jī meñ hai ab to ham haiñ yā dil

mera hai do-jahan mein rahnuma dil

payambar dil hai kaba dil KHuda dil

mila jaisa mujhe ek bewafa dil

kisi ko bhi na de aisa KHuda dil

ye aaina kudurat se bari hai

safai mein hai mera haq-numa dil

yahan piri nahin chalti KHizar ki

tariq-e-ishq mein hai rahnuma dil

bigaDta hai wo zalim mujh se jitna

mera aata hai aur us par siwa dil

jahan mein sahib-e-qismat wahi hai

muqaddar se hua jis ko ata dil

hai har dam muztarib har lahza betab

mujhe bhi kya mila sab se juda dil

jo puchhe dushman-e-jaan hai tera kaun

kahun main saikDon mein barmala dil

nikalne ki kahin jab rah na pai

to KHun ho ho ke aankhon se baha dil

bala ke dam mein ja kar phansa hai

na teri zulf se hoga riha dil

mere pahlu mein aaKHir kyon hai betab

dikhata phir raha hun ja-ba-ja dil

tamanna dil hai apna dil hai matlab

hamari aarzu dil muddaa dil

tere KHanjar ne baKHshi umr-e-jawed

dua-go hun main qatil lab se ta-dil

abhi chheDo na mujh ko ai nakirain

Thikane par to aane do zara dil

zamane ki zaban par dil hi dil hai

batae to koi hai chiz kya dil

hamari 'sabr' dil se chal rahi hai

yahi ji mein hai ab to hum hain ya dil